A finalidade nesta etapa é facilitar a adquisición das competencias lingüística e matemática, así como as nocións básicas da cultura, hábitos de convivencia, sentido artístico, emocional… co fin de garantirlle unha formación integral.
A nosa metodoloxía de traballo aberta e flexible vai encamiñada a estimular ao alumno facendo un seguimento personalizado día a día.
Como centro plurilingüe a xornada lectiva impártese nos tres idiomas (galego, castelán e inglés), tendo durante toda a etapa de Primaria unha ampliación de horario na lingua inglesa para potenciar a adquisición dunha boa competencia lingüística.
A partir de 5º de Primaria iniciamos a ensinanza dunha segunda lingua estranxeira (francés) co obxectivo de aumentar a ensinanza desta lingua.
Somos centro examinador de: Trinity College of London e Centro preparador oficial de Cambridge.
Letterland é un programa de lectoescritura en inglés que se enfoca no uso de instrucións multisensorial, aprendizaxe baseada en historias, xogos, pictografías…
Ademais de ser un programa de fonética, tamén inclúe instrucións sobre ortografía, vocabulario, fluidez…
En Primaria os alumnos/as aprenderán patróns de ortografía, silabeo e estruturas máis avanzadas.
Un dos obxectivos do centro e fomentar a aprendizaxe por descubrimento: que os nenos e nenas experimenten, pregunten, descubran e proben co fin de chegar a unha conclusión.
En cada trimestre realízase no centro unha semana cultural, científica e deportiva co fin de fomentar o entendemento e aprecio polas distintas culturas.
KiVa é un proxecto de prevención de acoso escolar creado na Universidade de Turku (Finlandia). Trátase dun programa que pretende mellorar a convivencia e o respecto entre os alumnos e alumnas e frear posibles casos de acoso escolar.
Este programa impleméntase nas etapas de Primaria e Secundaria.
Esta metodoloxía baseada no traballo en grupo, fomenta a participación, a axuda mutua, a empatía e a autorregulación da aprendizaxe.
Programa de desenvolvemento da intelixencia que axuda a mellorar a capacidade de razoamento.
Metodoloxía baseada na descomposición dos números e na manipulación. Os nenos e nenas aprenden xogando e manipulando, o que aumenta a súa motivación mantendo unha actitude positiva fronte á ensinanza das matemáticas.
Este método permite adaptarse ao proceso de ensinanza de cada alumno e alumna.
No colexio contamos cunha aula de informática Mac (Apple) de acceso para todo o alumnado. A partir de 6º de Educación Primaria implementamos a Aula Dixital co obxectivo de que os alumnos/as adquiran a Competencia Dixital dando resposta as necesidades actuais.